Xonqa tumani hokimligi rasmiy veb-sayti

Туман марказидан 20 километр узоқликда жойлашган ушбу ҳудудда айни дамда кенг кўламли ишлар олиб борилмоқда.

Хусусан, “Янги турмуш” маҳалласидаги Оилавий қишлоқ врачлик пункти 2017 йилда фаолиятини тўхтаган ва 6 мингга яқин аҳоли тиббий кўрик учун 10 километр масофа босиши керак эди.

Маҳалла аҳлининг “Очиқ бюджет” ахборот портали (http://openbudget.uz/) орқали билдирган таклифлари маъқулланиб, қиймати 605 миллион сўмлик қурилиш таъмирлаш ишлари олиб борилди.

Бугун Оилавий шифокорлик пункти сифатида янги иш бошлаган тиббий масканда умумий оила шифокори, акушер-гинеколог, доя, потранаж ҳамда эмлаш ҳамширалари, кундузги стационар даволаш хизматлари учун барча шароитлар яратилган.

Тантанали очилиш тадбирида  туман ҳокими Муродбек Давлатов, сектор раҳбарлари, пудратчи ташкилотнинг жонкуяр қурувчи-муҳандислари, кенг жамоатчилик вакиллари ҳамда соҳа ходимлари иштирок этдилар.

Хонқа туман ҳокимлиги ахборот хизмати